སྒོ་མཛོད་མཛད་སྒོའི་སྐབས་ཀྱི་འདྲ་པར།

777.jpg


གསུང་རབ་སྒོ་མཛོད་རིན་པོ་ཆེའི་བོན་སྡེའི་

ཐོག་མའི་རྟོགས་བརྗོད་ཉུང་ངུ་ཞིག


ཡུལ་མཆོག་དམ་པ་རྣམས་ལ་སྐྱབས་སུ་མཆི།།

རྣམ་འདྲེན་རྫོགས་པའི་སངས་རྒྱས་ཀྱིས།།

བཀའ་ཡི་འཁོར་ལོའི་རིམ་པ་རྣམས།།

གདུལ་བྱའི་བློ་ཁམས་ལ་བསྟུན་ཏེ།།

ཐེག་པ་དགུ་དང་སྒོ་མཛོད་སོགས།།

རི་མོར་བྲིས་ཏེ་གླེགས་བམ་བསྡམས།།

རྐོང་རྩེ་ལས་སོགས་ལེའུ་ཡེས།།

བསོད་ཚོགས་རྒྱ་མཚོའི་ཡུལ་དུ་བསྐུལ།།

དེ་བཞིན་དད་འབྱོར་སྐལ་ལྡན་ཚོས།།

རྣམ་དཀར་ལས་ཀྱི་འཁོར་ལོ་ཡིས།།

སྣང་ཡུལ་པོ་ཏིས་ཁེངས་སྙམས་བསྐྲུན།།

ཡུལ་དུས་འགྲོ་བ་དང་བསྟུན་ཏེ།།

པོ་ཏིའི་དབྱིབས་ནི་དེབ་ལ་བསྒྱུར།།

ནར་སོན་ཚོགས་རྣམས་དགྱེས་མིན་ཡང་།།

ལུང་མཐུན་ལགས་པས་ད་ལྟ་འདིར།།

མཁའ་འབྱུང་ཟླ་བའི་དེབ་ཏུ་པར།།

འདིའི་ནང་ལེའུའི་ཚོགས་འགའ་ཞིག།

གསུང་རབ་ཚིག་དང་འགལ་འཁྲུལ་མིན།།

བསྟན་རྒྱུན་བསྲུང་བའི་ཕྱིར་ལགས་སོ།།

ཇི་ལྟར་བགྱིས་པའི་རྣམ་དཀར་ཚོགས།།

མ་རྣམས་སྲིད་ལས་ཐར་ཕྱིར་བསྔོ།།

ཕན་དང་བདེ་བ་འབྱུང་བའི་གཞི།།

རྒྱལ་བསྟན་ཡུན་རིང་གནས་གྱུར་ཅིག།


  ༢༠༡༥ ༥ ༡༥ ཉིན་བསྟན་རྣམ་བགྲེས་པོས་བྲིས།